“Real” Rabyonu heyətinə qata bilər

“Real” “Yuventus”un yarımmüdafiəçisi Adrien Rabyonun xidmətində maraqlıdır.

Sports.az xəbər verir ki, Madrid klubu AÇ-2024-dən sonra karyerasını başa vuracaq alman yarımmüdafiəçi Toni Kroosa əvəzləyici axtarır və bu məqsədlə, “Yuventus”la analaşmaqda çətinliklə üzləşmiş fransız futbolçunu nəzərdən keçirir.

Eyni zamanda, Rabyonun Turin klubu ilə müqaviləsinin müddəti iyunun 30-da başa çatacaq. “Qoca sinyora” Rabyoya mövsümdə təxminən 7,5 milyon avro məbləğində maaşla daha 1 il müddətinə uzadılması şərti ilə 2 illik müqavilə təklif edib. Amma Rabyo tərəfi bu təklifi hələ də cavablamayıb.