Uoddl futbolçuların cari nəslinə İngiltərə Premyer Liqasından getməyi tövsiyə edir

“Tottenhem”, “Sanderlend”, Marsel “Olimpik”i və İngiltərə yığmasının keçmiş yarımmüdafiəçisi Kris Uoddl indiki nəsil futbolçulara İngiltərə Premyer Liqasını tərk etməyi məsləhət görüb.

Sports.az Uoddlun bu barədə fikirlərini təqdim edir:

“Daha çox ingilis futbolçunun xaricə getməsini istərdim. Bu, onlar üçün faydalı təcrübə ola bilər. Məsələ təkcə fərqli mədəniyyət və ya dildə deyil, oradakı futbol da fərqlidir. Mən “Olimpik”də oynayanda Fransa çempionatı İngiltərə Premyer Liqasından fərqli idi. Və hesab edirəm ki, indi bu baxımdan çox az dəyişiklik olub. Orada hər şey fərqlidir”.