Millimiz almanlarla eyni qrupda
Basketbolun 3x3 növü üzrə Qadın seriyasının Bakı mərhələsinin püşkü atılıb.
Sports.az xəbər verir ki, yarışda 16 komanda mübarizə aparacaq.
Onlardan 6-sı təsnifat mərhələsində iştirak edəcək. A qrupundan iki, B qrupundan bir komanda əsas raunda vəsiqə qazanacaq.
Təsnifat mərhələsi
A qrupu: Ukrayna, “Maebaşi Flovliş” (Yaponiya), İrlandiya
B qrupu: Filippin, Avstriya, “Loqrono Sentral” (İspaniya)
Azərbaycan millisi əsas raunddan yarsa qatılacaq. Yığmamız C qrupunda “Düsseldorf ZOOS” və təsnifatda A qrupunun qalibi olacaq komanda ilə görüşəcək.
Qrup mərhələsi
A qrupu: Niderland, Portuqaliya, Çin U-24
B qrupu: İspaniya, “Qyor” (Macarıstan), A2
C qrupu: “Düsseldorf ZOOS” (Almaniya), Azərbaycan, A1
D qrupu: Polşa, İtaliya, B1
Millimiz avqustun 17-də “Düsseldorf ZOOS”la görüşəcək. Matç saat 16:50-də başlayacaq. Həmin gün saat 18:30-da isə komandamızın rəqibi təsnifatdan gələn komanda olacaq.
Qeyd edək ki, Bakı mərhələsi avqustun 17-18-də keçiriləcək.
