Azərbaycan cüdoçuları Birləşmiş Ərəb Əmirliklərinin paytaxtı Əbu-Dabidə "Böyük Dəbilqə" turnirində iştirak edəcək.

Sports.az xəbər verir ki, oktyabrın 11-dən 13-dək davam edəcək yarışda 30 ölkədən 232 cüdoçu medallar uğrunda mübarizə aparacaq.

Azərbaycan cüdo üzrə milli yığma komandası yarışda 8 çəki dərəsində 12 kişi və 2 qadın idmançı ilə təmsil olunacaq.

Cüdoçular böyüklərdən ibarət yığmanın böyük məşqçiləri Elçin İsmayılov və Slavko Tekiç və qadınlardan ibarət yığmanın baş məşqçisi Rəşad Məmmədovun rəhbərliyi altında çıxış edəcək.

Qeyd edək ki, yarışda Azərbaycan Cüdo Federasiyasının “A” kateqoriyalı beynəlxalq dərəcəli hakimi Nazim Umbayev ədalət təmsilçiləri arasında yer alacaq.

Yarışda iştirak edəcək heyəti təqdim edirik:

Qadınlar

48 kq.
Leyla Əliyeva

57 kq.
Acelya Toprak

Kişilər

60 kq.
Balabəy Ağayev
Hüseyn Allahyarov

66 kq.
Ruslan Paşayev
Rəşad Yelkiyev

73 kq.
Rəşid Məmmədəliyev
Nəriman Mirzəyev

81 kq.
Zelim Tçkayev
Ömər Rəcəbli

90 kq.
Murad Fətiyev
Musa Hüseynli

+100 kq.
İmran Yusifov
Uşanqi Kokauri