Azərbaycan DÇ tarixinin ümumi sıralamasında 2 pillə irəliləyib

Azərbaycan müstəqil dövlət kimi təmsil olunduğu güləş üzrə böyüklər arasında dünya çempionatlarında 95 medal qazanıb.

Bu barədə Sports.az-a Azərbaycan Güləş Federasiyasından bildirilib.

Albaniyada keçirilmiş son yarışdan sonra qızıl medalların sayı 22-yə çatıb. Azərbaycanın hesabında 34 gümüş, 39 bürünc medal da var. Bu nəticədən sonra ölkəmiz dünya çempionatları tarixinin ümumi sıralamasında 2 pillə irəliləyib.

Azərbaycan Finlandiya və Almaniyanı keçərək 13-cü yerə yüksəlib.