Cüdoçularımızdan Avropa Kubokunun ilk günündə 4 medal

23 noyabrda Yunanistanın Saloniki şəhərində keçirilən cüdo üzrə yeniyetmələr arasında Avropa Kuboku turnirinin ilk günündə cüdoçularımız 1 qızıl, 1 gümüş və 2 bürünc medal əldə edib.

Sports.az xəbər verir ki, oğlanlar arasında Zeyd Ələsgərov (-60 kq.) qızıl medal, Fəxri Sahibzadə (-66 kq.) gümüş medal, Anar Quliyev (-50 kq.) və Rüstəm Qasımzadə (-55 kq.) bürünc medal qazanıblar. 

Məhəmmədəli Hüsiyev (-55 kq.), İlkin Qarayev (-60 kq.) və Özqan Quliyev (-66 kq.) 5-ci, Emil Hüseynli (-55 kq.) isə 7-ci yerdə qərarlaşıb.