ABL: Bu gün daha iki oyun keçirəcək
Azərbaycan Basketbol Liqasının 12-ci turunda bu gün iki oyun keçiriləcək.
Sports.az xəbər verir ki, matçlardan biri A, digəri B qrupunda oynanılacaq.
A qrupunda “Naxçıvan” NTD ilə üz-üzə gələcək. Bakı İdman Sarayında keçiriləcək görüşün start fiti saat 12:30-da səsləndiriləcək. Hazırda Naxçıvan təmsilçisi 19 xalla ikinci pillədə qərarlaşıb. Sonuncu - 6-cı yerdə olan NTD isə 13 xala malikdir.
B qrupunda “Quba” səfərdə “Gəncə”nin qonağı olacaq. Gəncə İdman Sarayında baş tutacaq matç saat 14:00-da başlayacaq. Hazırda qrupda “Gəncə” 19 xalla ikincidir. Beşinci yerdə olan “Quba”nın isə 14 xalı var.
Turun daha əvvəl keçirilən görüşlərində "Abşeron" "Sərhədçi"ni 86:79, "Sabah" "Neftçi"ni 75:65, “Sumqayıt” “Lənkəran”ı 93:90 hesabı ilə məğlub edib. Tura yanvarın 26-da “Şəki” - “Ordu” matçı ilə yekun vurulacaq.
