“Mərhələni “Qarabağ” da keçsəydi, məyus olmazdıq”
“Qələbəyə baxmayaraq, mərhələni "Qarabağ" da keçə bilərdi. Buna görə heç vaxt məyus olmazdıq".
Sports.az xəbər verir ki, bunu Fransanın "Nant" komandasının baş məşqçisi Antuan Kombuare Avropa Liqasının qrup mərhələsinin 6-cı turu çərçivəsində Yunanıstanda "Olimpiakos"a 2:0 hesabı ilə qalib gəldikləri matçdan sonra baş tutan mətbuat konfransında deyib.
59 yaşlı mütəxəssis bildirib ki, son tur öncəsi bütün diqqətləri öz oyunlarında olub: "Bakıdakı görüşü düşünmürdük. Peşman olmamaq üçün qalib gəlmək istəyirdik. Əsas odur ki, qrupdan başımız dik çıxdıq".
G qrupunda 2-ci pilləni tutan "Nant" Avropa Liqasının pley-off mərhələsində Çempionlar Liqasından gələn komandalardan biri ilə qarşılaşacaq. “Qarabağ” isə qrup üçüncüsü kimi Konfrans Liqasında öz qruplarında ikinci yeri tutmuş 8 komandadan biri ilə mübarizə aparacaq.
