“Mançester Yunayted”də oktyabr ayının ən yaxşı oyunçusu

İngiltərənin “Mançester Yunayted" komandasında oktyabr ayının ən yaxşı oyunçusu məlum olub.

Sports.az xəbər verir ki, Kazemiro komanda yoldaşlarını qabaqlayıb.

Braziliyalı yarımmüdafiəçi azarkeşlərin 34 faiz səsini toplayıb. Kazemiro Lisandro Martines (31%), Markus Reşford (19%) və Dioqo Dalotu (16%) qabaqlayıb.

Oktyabr ayında Kazemiro "Mançester Yunayted"in heyətində 9 oyun keçirib, yalnız birində start heyətində meydana çıxmayıb.