“Beşinci dəfə Macarıstan Kubokunun qalibi olduğum üçün sevincliyəm” - Abduləzimova
“Mən 5-ci dəfə bu titulu qazandım. Buna görə çox sevincliyəm”.
Sports.az xəbər verir ki, bunu “Vaşaş Obuda” klubunun heyətində Macarıstan Kubokunun qalibi olan Azərbaycan millisinin voleybolçusu Ayşən Abduləzimova deyib.
31 yaşlı oyunçu təbriklərə görə hər kəsə təşəkkür edib:
"Final oyunu gərgin alındı. Buna baxmayaraq, 3:1 hesabı ilə qalib gəldik. Komandamızı təbrik edirəm. Ümumiyyətlə, mövsüm bizim üçün çox sıx qrafiklə davam edir. Kubok başa çatsa da, Macarıstan liqasında və avrokubokda mübarizəni davam etdiririk. Hazırda bütün fikrimiz avrokubokdadır. Sabah çox vacib oyunumuz olacaq. CEV Kubokunun yarımfinalında cavab qarşılaşmasına çıxacağıq. Bütün oyunçular, məşqçilər heyəti - hamımız sabahkı oyuna köklənmişik".
“Vaşaş Obuda” Macarıstan Kubokunun həlledici görüşündə KNRC-ni üstələyib.
