Digər
DÇ-də iştirak edəcək Azərbaycan yığmasının heyəti müəyyənləşdi
03.04.2025 | 18:45
Niderlandda stritliftinq üzrə keçiriləcək dünya çempionatında iştirak edəcək Azərbaycan yığmasının heyəti müəyyənləşib.
Bu barədə Sports.az-a Bodibildinq və Fitnes Federasiyasından məlumat verilib.
Yarışda baş məşqçi Bəxtiyar Quliyev, məşqçilər Vüsal Mərdanov və Camal Əhmədzadənin rəhbərliyi altında Hikmət Balayev (turnik), Babək Bağırlı (paralel qol) və Zamin Məmmədov (paralel qol və turnik) iştirak edəcəklər.
Qeyd edək ki, stritliftinq üzrə dünya çempionatı bu il iyulun 12-13-də təşkil olunacaq. Yığmanın heyəti Azərbaycan Texniki Universitetinin idman zalında təşkil olunmuş strikt körl və stritliftinq üzrə ölkə çempionatında müəyyənləşib.
Oxşar xəbərlər
Son xəbərlər
