Seymur Səlimli UEFA-nın tədbirində iştirak edib
UEFA-nın danışılmış oyunlarla bağlı Azərbaycan üzrə nümayəndəsi Seymur Səlimli UEFA-nın dəvəti ilə 7-11 noyabr tarixlərində İsveçrənin Nyon şəhərində olub.
Sports.az xəbər verir ki, Səlimli UEFA-nın Lozanna Universiteti ilə birgə təşkil etdiyi “UEFA Fight The Fix Academiya” kursunda iştirak edib.
Kursun əsas məqsədi “Danışılmış oyunlarla mübarizə” proqramı (UEFA FTF) danışılmış oyunlara qarşı mübarizədə iştirak edən peşəkarları kəşfiyyat məlumatları toplamaq, araşdırmalara rəhbərlik etmək və istintaq proseslərinə kömək etmək üçün lazım olan məlumatlar, vasitələr və bacarıqlarla təmin edir.
UEFA FTF proqramı tədqiqatların aparılması və oyuna cəlb olunanların təqib edilməsi üçün tələb olunan bacarıqlara diqqət yetirərək danışılmış oyunlar sahəsində çalışan peşəkarlar üçün unikal təlim imkanıdır. İştirakçıları bu fenomen ilə bağlı dolğun məlumatlarla təmin etmək, son hadisələr və monitorinq vasitələri haqqında ətraflı məlumat verməklə yanaşı, A-dan Z-yə istintaq və digər prosedurları nəzərdən keçirir.
