GİN-də MDB Oyunlarına hazırlıqla bağlı görüş keçirilib

III MDB Oyunlarına hazırlıq işləri çərçivəsində Gənclər və İdman Nazirliyində federasiya nümayəndələri ilə növbəti görüş keçirilib.

Sports.az xəbər verir ki, iclasda nazir Fərid Qayıbov çıxış edərək III MDB Oyunlarının yüksək səviyyədə təşkili üçün bütün tərəflərin üzərinə mühüm vəzifələr düşdüyünü qeyd edib.

Yığıncaq zamanı yarışların keçiriləcəyi məkanlar, nəqliyyat, iştirakçıların yerləşdirilməsi və qidalanması, həmçinin yarışlara hazırlıq və digər təşkilati məsələlər ətrafında müzakirələr aparılıb.

Sonda aidiyyəti qurumlar arasında koordinasiyanın gücləndirilməsi və görüləcək işlərin icra vəziyyətinə dair müvafiq tapşırıqlar verilib.