Millimiz Belarusa yollandı

Voleybol üzrə yeniyetmə oğlanlardan ibarət yığmamız (2008-2009) bu gün Belarusa yola düşüb.

Sports.az xəbər verir ki, komandamız Minskdə Belarusun 18 yaşadək oğlanlardan ibarət millisi ilə birgə təlim-məşq toplanışı keçəcək.

İyunun 12-ə kimi davam edəcək birgə təlim-məşq toplanışı ilə yanaşı, komandalar arasında yoxlama oyunları da təşkil olunacaq. 
Yeniyetmə oğlanlardan ibarət milli komandanın baş məşqçisi Cahangir Seyed Abbasi təlim-məşq toplanışına 15 idmançı ilə yollanıb. 

Qeyd edək ki, komandamız bu il ölkəmizdə keçiriləcək MBD Oyunlarında ölkəmizi təmsil edəcək.