Nazim Sadıxovla Rafael Fiziyev Bakıda qələbəyə sevindilər
Ötən gecə Bakıda ilk dəfə olaraq UFC (Ultimate Fighting Championship) turniri keçirilib.
Sports.az xəbər verir ki, yarış Bakı Kristal Zalında (Baku Crystal Hall) təşkil olunub.
İlkin döyüşlərdə Klaudiya Siqula (Polşa), Sok Hyön Ko (Cənubi Koreya), Muhammad Usman (Nigeriya), Darya Jeleznyakova (Rusiya), Pak Çun Yon (Cənubi Koreya) və Taqir Ulanbekov (Rusiya) qələbə qazanıblar.
Əsas görüşlərdə Azərbaycan təmsilçilərindən Nazim Sadıxov Nikolas Mottaya (Braziliya) nokautla qalib gəlib. Tofiq Musayev (Azərbaycan) Mıktıbek Orolbaiyə (Qırğızıstan) uduzub. Rafael Fiziyev (Azərbaycan) isə İqnasio Bahamondesdən (Çili) üstün olub.
Həmçinin Məhəmməd Nayimov (Tacikistan) və Körtis Bleyds (ABŞ) də öz döyüşlərində qələbə qazanıblar.
Bakıdakı əsas qarşılaşmada - yarım ağır çəkidəki görüşdə ABŞ təmsilçiləri Camahal Hill (Jamahal Hill) və Halil Rauntri (Khalil Rountree) üz-üzə gəliblər. Duel 5 raund davam edib. Halil Rountri bu döyüşün qalibi olub.
Qeyd edək ki, “UFC Fight Night”da reytinq və gələcək titul namizədlərini müəyyənləşdirən döyüşlər olur.
İlkin döyüşlər
Yarım yüngül çəki: İrina Alekseyeva (Rusiya) - Klaudiya Siqula (Polşa)
Yarım orta çəki: Sok Hyön Ko (Cənubi Koreya) - Oban Elliott (Uels)
Ağır çəki: Hamdi Abdel Vahab (Misir) - Muhammad Usman (Nigeriya)
Yarım yüngül çəki: Melissa Mallins (İngiltərə) - Darya Jeleznyakova (Rusiya)
Orta çəki: İsmail Naurdiyev (Mərakeş) - Pak Çun Yon (Cənubi Koreya)
Super yüngül çəki: Taqir Ulanbekov (Rusiya) - Maksum Azat (Qazaxıstan)
Əsas döyüşlər
Yarım yüngül çəki: Məhəmməd Nayimov (Tacikistan) - Boqdan Qrad (Avstriya)
Yüngül çəki: Nazim Sadıxov (Azərbaycan) - Nikolas Motta (Braziliya)
Ağır çəki: Körtis Bleyds (ABŞ) - Rizvan Kuniyev (Rusiya)
Yüngül çəki: Tofiq Musayev (Azərbaycan) - Mıktıbek Orolbai (Qırğızıstan)
Yüngül çəki: Rafael Fiziyev (Azərbaycan) - İqnasio Bahamondes (Çili)
Yarım ağır çəki: Camahal Hill (ABŞ) - Halil Rauntri (ABŞ)
