Yeniyetmə cüdoçular AÇ-nin ikinci gününü medalsız başa vurdular

Azərbaycanın yeniyetmə cüdoçuları Şimali Makedoniyanın paytaxtı Skopyedə keçirilən Avropa çempionatının ikinci gününü medalsız başa vurublar.

Sports.az xəbər verir ki, bu gün tatami üzərinə çıxan milli komandanın 7 üzvü fəxri kürsüdə yer ala bilməyib.

Əli Hümbətov (66 kq), Ayxan Həsənli, Səid Şərifov (hər ikisi 73 kq), Aysun Məmmədova, Nuranə Hacızadə (52 kq), Səmayə Yusifli (57 kq) və Ayan Əliyeva (63 kq) ilkin mərhələlərdə rəqiblərinə məğlub olublar.

Azərbaycan cüdoçuları ötən gün Avropa çempionatında 6 medal əldə ediblər. Anar Quliyev (50 kq), Rəsul Əlizadə (55 kq), Zeyd Ələsgərov (60 kq) qızıl, Nərmin Ağamirzəzadə (48 kq) gümüş, Gülşən Hüseynova (44 kq) və Leyla Ələkbərova (48 kq) isə bürünc medal qazanıblar.