Azərbaycan millisindən Skopyedə 8 medal
Şimali Makedoniyanın paytaxtı Skopyedə keçirilən Avropa Gənclər Yay Olimpiya Festivalının (EYOF) cüdo yarışlarını Azərbaycan millisi 8 medalla tamamlayıb.
Sports.az xəbər verir ki, komandamızın heyətində son olaraq Sübhan Axundov (+90 kq) fəxri kürsüyə yüksəlib.
Cüdoçumuz üçüncü yer uğrunda görüşdə Çexiya təmsilçisi Meliçar Şkodaya vaza-ari xalı ilə qalib gələrək bürünc medala yiyələnib.
Azərbaycan millisi yekunda 3 qızıl, 2 gümüş və 3 bürünc medalla ümumi komanda hesabında Festivalın cüdo yarışlarının çempionu olub.
EYOF-2025-də daha əvvəl cüdoçularımızdan Gülşən Hüseynova (-44 kq), Rza Xəlilli (-50 kq), Rəsul Əlizadə (-55 kq) qızıl, Nuranə Hacızadə (-48 kq), Zeyd Ələsgərov (-60 kq) gümüş, Aysun Məmmədova (-52 kq) və Məhəmməd Ağakişiyev (-73 kq) bürünc medal qazanıb.
