Bu gün Bakıdakı Dünya Kubokuna yekun vurulacaq

Bakıda keçirilən şahmat üzrə Dünya Kubokunda bu gün mükafatçılar müəyyənləşəcək.

Sports.az xəbər verir ki, çempionluq və üçüncü yer uğrunda mübarizə aparan qrossmeysterlər tay-brekdə güclərini sınayacaqlar.

Bürünc medala iddia edən Azərbaycan təmsilçisi Nicat Abasov Fabiano Karuana (ABŞ) ilə qarşılaşacaq. Şahmatçılar ilk iki klassik partiyada hərəyə bir qələbə qazanıblar.

Finalda isə hindistanlı Rameşbabu Praqnanandha beşqat dünya çempionu olan norveçli Maqnus Karlsen ilə qarşılaşacaq. Qrossmeysterlərin hər iki klassik oyununda bərabərlik qeydə alınıb.

Həlledici görüşlərdən sonra mükafatlandırma və bağlanış mərasimi keçiriləcək.

Dünya Kubokunu ilk üç pillədə başa vuran şahmatçılar, həmçinin, İddiaçılar Turnirinə vəsiqə qazanacaqlar.