Şahmatçılarımızın FİDE reytinqindəki yeni mövqeləri bəlli oldu

FİDE şahmatçıların sentyabr ayı üçün dünya reytinqini dərc edib.

Sports.az xəbər verir ki, Azərbaycan şahmatçılarından ən yaxşı göstəriciyə Şəhriyar Məmmədyarov nail olub.

Qrosmeysterimiz 2733 xalla 17-ci pillədə qərarlaşıb. Teymur Rəcəbov (2700) 31-ci, Rauf Məmmədov (2637) 100-cü pillədə yer alıb.

Cədvələ 2832 xalla norveçli Maqnus Karlsen başçılıq edib.

Qadınların cədvəlində təmsilçilərimizdən ən yaxşı göstəriciyə Günay Məmmədzadə imza atıb. O, 2433 xalla 33-cü yeri tutub. Gövhər Beydullayeva (2395) 53-cü, Xanım Balacayeva (2384) 62-ci, Ülviyyə Fətəliyeva (2378) isə 68-ci pillələrdə qərarlaşıb.

Qadınların reytinq cədvəlinə çinli Yufan Hu başçılıq edib.