Azərbaycan futbolu
Sports.az saytının daha bir xəbəri təsdiqləndi!
05.03.2024 | 11:34
“Sabah” futbol komandasında yeni baş məşqçi təyinatı rəsmiləşib.
Sports.az-a xəbər verir ki, xorvatiyalı mütəxəssis Krunoslav Renduliçlə 1,5 illik müqavilə bağlanıb.
Renduliç karyerası ərzində İranın “Fulad” (2014-2016) və bu ölkəsinin əsas milli komandasında (2022) köməkçi məşqçi, həmçinin Xorvatiyanın “İstra 1961” (2018/19), “Şibenik” (2019-2021), “Qoritsa” (2021-2022), Bosniya və Herseqovinanın “Zrinski” (2022-2023) klublarında baş məşqçi kimi çalışıb.
Xorvatiyalı məşqçi “Zrinski” ilə Bosniya və Herseqovina çempionu və kubokunu qazanıb (2022/2023), bu klubu UEFA Konfrans Liqasının qrup mərhələsinə çıxarıb (2023/2024).
Qeyd edək ki, Randuliçin "Sabah"a təyinatı haqda Azərbaycan mediasında ilk xəbəri Sports.az saytı yayıb.