Azərbaycan futbolu
“Araz-Naxçıvan” Küveyt klubu ilə üz-üzə
![](https://sports.az/file/articles/2024/07/24/1721817233_201555_3smgdgnt0h.jpg)
24.07.2024 | 15:20
Yeni mövsümə Türkiyədə hazırlaşan “Araz-Naxçıvan” bu gün növbəti oyununa çıxacaq.
Sports.az xəbər verir ki, Elmar Baxşıyevin komandası Küveytin “Əl-Ərəbi” klubu ilə qarşılaşacaq. Matç Bakı vaxtı ilə saat 18:00-da başlayacaq.
Bu komandalar arasında yoxlama görüşü iyulun 21-də keçirilməli idi. Lakin Küveyt təmsilçisinin toplanışa gəlməməsi səbəbindən oyun bu günə təxirə salınıb.
“Araz-Naxçıvan” daha əvvəl Türkiyədə 1 yoxlama oyunu keçirib. Komanda “Alanyaspor"la 1:1 hesablı heç-heçə edib.