“Şamaxı" heyətini daha bir futbolçu ilə gücləndirib.

Sports.az klubun mətbuat xidmətinə istinadən xəbər verir ki, serbiyalı müdafiəçi Vasili Bakiç komandaya cəlb olunub.

24 yaşlı mərkəz müdafiəçisi ilə 1 illik müqavilə imzalanıb. Bakiçin son klubu “Radniçki” (Serbiya) olub.

"Şamaxı" bu yay Adil Nağıyev, Rafael Məhərrəmli, İlkin Muradov, Rauf Rüstəmli, Rüfət Abbasov, Belaydi Pusi, Brahim Konate, Georgi Kantariya, Kamal Bayramov, Fəxri Məmmədli, Vasili Radenoviç və Conatan Bentekeni də transfer edib.