Formula 1 üzrə 2025-ci ildə keçiriləcək Azərbaycan qran-prisinin vaxtı açıqlanıb.

Sports.az yarışın mətbuat xidmətinə istinadən xəbər verir ki, yeni mövsüm 24 raunddan ibarət olacaq.

Martın 14-16-sı aralığında Avstraliya qran-prisi ilə start götürəcək mövsüm, 5-7 dekabrda Birləşmiş Ərəb Əmirliklərinin paytaxtı Əbu-Dabidə yekunlaşacaq.

Yeni mövsümün yarışları 5 qitədə baş tutacaq. 2025-ci ildə altı sprint keçiriləcək. Mövsümöncəsi sınaqlar isə fevralın 26-28-də yenidən Bəhreyndə olacaq.

Azərbaycan qran-prisi sentyabrın 19-21-i aralığında reallaşacaq.