“Mançester Yunayted”in baş məşqçisi Erik ten Haq “qırmızı şeytanlar”ın cinah hücumçusu Markus Raşford haqda söhbət açıb.

Sports.az xatırladır ki, ingilis futbolçu Premyer Liqanın 4-cü turunun “Sauthempton”la oyununda (3:0) qol vurub və bu qol Raşfordun Premyer Liqa çərçivəsində son 189 gün ərzində ilk qolu olub.

“Bu, çox vacibdir. Hər bir hücumçu ən sərrast futbolçular sırasında olmaq istəyir. İlk qol vurulduqdan sonra qalanlar da vurulacaq. Bir dəfə bir hücumçu bir şüşə ketçup haqqında demişdi: ilk damcı tökülən kimi bütün şüşə boşalacaq”.