“Milan” “Vensiya” ilə 4-cü tur ev oyununda İtaliya A Seriyasının yeni mövsümündə ilk qələbəsini qazanıb – 4:0.

Sports.az xəbər verir ki, “rossoneri”nin keçmiş baş məşqçisi, italyan mütəxəssis Fabio Kapello oyunda bəyəndiyi “Milan” futbolçuların çıxışını şərh edib:

“Oyunda Fofananı xüsusilə bəyəndim, o, meydanın mərkəzində çox vacib rol oynayır. O, heç vaxt baxışlarını aşağı salmırdı, ancaq oyunçuların fəaliyyətlərini izləyirdi. Hətta hesab 4:0 ikən belə, o, top almağa cəsarətlə girişirdi. Abraham da yaxşı çıxış etdi və nəhayət, əvvəlki Leau qayıtdı. Ona azacıq sabitlik gərəkdir.
Nəhayət, “Milan”ın təpkisini və təzyiqini gördük”.