“Real”ın ulduzları – braziliyalı cinah hücumçusu Vinisius Junior və fransalı mərkəz hücumçusu Kilian İspaniya La Liqasının 5-ci turunun “Real Sosyedad”la oyununda (2:0) hərəyə bir dəfə penaltilərdən vurduqları qollarla fərqləniblər.

Sports.az xəbər verir ki, “qaymaqlı ulduzlar” bu qolları birlikdə şən halda qeyd ediblər.

Vurğulanır ki, bu məqam ulduz futbolçular arasında heç bir fikir ayrılığı və münaqişə olmadığını bir daha nümayiş etdirib.

Daha əvvəl mətbuatda Vinisusla Mbappe arasında anlaşılmazlıq olduğu, bunun isə özünü meydanda gec-tez büruzə verəcəyi vurğulanırdı.