“Arsenal”ın baş məşqçisi Mikel Arteta “topçular”ın heyətində ardıcıl 7 ev oyununda qol vurmuş alman mərkəz hücumçusu Kay Havertsin çıxışından danışıb.

Sports.az ispan mütəxəssisin bu barədə fikrini təqdim edir:

“O, məşq edəndə daha çoxunu istəyir və etdiyi işlə qane olmur, ona görə də o, hələ də fərqli səviyyədədir. Aydındır ki, o, inanılmaz oyunçuların əhatəsindədir, amma onda da bir xüsus dəyişdi. Onun futbol meydanında göstərdiyi inamı həqiqətən hiss edirsən və bu, ona futbol oyunlarında qalib gəlməyə kömək edir. Bu, gözəldir”.