“Mançester Yunayted”in mərkəz müdafiəçisi Conni Evans İngiltərə Premyer Liqasının 7-ci turunun “Aston Villa” ilə səfər oyununu (0:0) şərh edib.

Sports.az şimali irlandiyalı futbolçunun bu barədə fikrini təqdim edir:

“Çox yaxşı komanda ilə səfər oyununda 1 xal qazandıq. Bundan bir neçə gün əvvəl “Portu”dan üç qol buraxmışdıq, “Aston Villa”ya qarşı oyunda isə diqqətimizi müdafiə fəaliyyətinə yönəltmişdik ki, fürsətimiz olsun. Keyfiyyətli məqam axtardıq, əks-hücumlardan istifadə etdik və demək olar ki, fürsət tapdıq. “Aston Villa”nın yaxşı oyunçuları var, bu komandaya qarşı oynamaq çətindir”.