İngiltərə futbolunun əfsanəsi Alan Şirer hesab edir ki, “Mançester Yunayted” ingiltərəli hücumçusu Markus Raşfordla bağlı vəziyyəti tez bir zamanda həll etməlidir.

Sports.az xatırladır ki, son oyunlarda Raşford komandanın portuqal baş məşqçisi Ruben Amorimin qərarı ilə “qırmızı şeytanlar”ın iştirak etdiyi oyunlar üçün heyətə daxil edilməyib.

“Əgər Markus oynamaq istəmirsə, çalışdırıcı da onun oynamasını istəmirsə, bu, klub üçün sağlam vəziyyət deyil. Əgər bu, həqiqətən də belədirsə, hər iki tərəf bunu mümkün qədər tez həll etsələr, daha yaxşı olar. Amma müqavilə üzrə külli miqdarda puldan danışdığımızı nəzərə alsaq, bunu demək, icra etməkdən daha asandır”.