Almaniya futbolunun əfsanəsi Lotar Matteus Dortmund “Borussiya”sının 2023/2024-cü illər mövsümündə Çempionlar Liqasının finalına yüksəlməsi ilə bağlı fikrini paylaşıb.

Sports.az Matteusun bu barədə fikrini təqdim edir:

“Beynəlxalq səviyyədə Almaniyadan “Bayern” yalnız deyil. Dortmund “Borussiya”sı Münhen “Bayern”inin olmaq istədiyi yerə gəldi. Madrid “Atletiko”su və PSJ ilə “Uembli”yə gedən yol heç də asan deyildi. Bununla belə, xüsusilə ev oyunlarında bunu parlaq surətdə mənimsədilər. Bu, Çempionlar Liqasının finalına layiqli vəsiqə idi”.

Xatırladaq ki, 2023/2024-cü illər mövsümü Çempionlar Liqasının finalında Dortmund “Borussiya”sı “Real”a 0:2 hesabı ilə məğlub olmuşdu.