Fransanın nüfuzlu “L’Équipe” nəşrinin jurnalisti Joze Barroso hesab edir ki, PSJ-nin rusiyalı qapıçısı Matvey Safonov 2025-ci ildə Paris klubunun əsas qapıçısı olmayacaq.

Sports.az Barrosonun müvafiq qənaətini təqdim edir:

“Safonovun 2025-ci ildə PSJ-nin “1” nömrəsi olmaq imkanı böyükdürmü? Bunu, heç kim bilmir – Luis Enrike (PSJ-nin ispan baş məşqçisi – redaktorun qeydi) o qədər gözlənilməzdir ki, bunu təxmin etmək sadəcə mümkün deyil. Üstəlik, o, son ana qədər heç kimə heç nə demir.

Düşünürəm ki, Safonov 2025-ci ildə PSJ-nin “1” nömrəsi olmayacaq, amma Enrike fərqli qərar da verə bilər”, deyə Barroso vurğulayıb.