“Mançester Yunayted” və “Yuventus” “qırmızı şeytanlar”ın niderlandlı hücumçusu Coşua Zirkzenin (Zirkze) “Qoca sinyora”nın serb hücumçusu Duşan Vlahoviçlə mümkün mübadilə seçimini araşdırırlar.

Sports.az xəbər verir ki, “Yuventus”un baş məşqçisi Tiaqu Motta “Bolonya”nı çalışdırarkən xidmətindən istifadə etdiyi Zirkze ilə yenidən çalışmağa həvəslidir.

Vurğulanır ki, ötən yay “Mançester Yunayted”ə keçmiş Zirkzenin gözlənilən səviyyədə çıxış etmədiyi nəzərə alınmaqla, keçmiş məşqçisinin rəhbərliyi altında çıxış etməyə meylli olacağı və bu yolla əvvəlki səviyyəsinə qayıtmağa çalışacağı istisna edilmir.