“Əl-Nəsr”in portuqal ulduz hücumçusu və kapitanı Kristiano Ronaldo Səudiyyə Ərəbistanı klubundakı gələcəyi ilə bağlı qərar verməyə tələsmir.

Sports.az xatırladır ki, Ronaldonun “Əl-Nəsr”lə müqaviləsinin müddəti 2025-ci ilin iyun ayının sonuna qədər qüvvədir.

Bildirilir ki, portuqal ulduz gələcək üçün üç seçimi nəzərdən keçirir. Birinci fikir, “Əl-Nəsr”lə müqaviləsinin müddətini uzatmaq və rəhbərlikdən heyəti ciddi surətdə gücləndirməyi xahiş etməkdir. Ronaldo vətəni Portuqaliyaya qayıtmaq imkanını da nəzərdən keçirir. Kristianonun üçüncü seçimi peşəkar futbolçu karyerasına xitam verməkdir.