PSJ-nin fransalı cinah hücumçusu Usman Dembele Fransa Super Kubokunun final oyununda “Monako” üzərində 1:0 hesablı qələbəni şərh edib.

Sports.az xəbər verir ki, Dembele parislilərin qələbə qolunun müəllifi olub, fransalı futbolçu oyunun təzminat vaxtında (90+2) fərqlənib.

“Axır ki, biz qalib gəldik. Nəticədən hamımız çox razıyıq. Çətin oyun oldu. 10 günlük məzuniyyətdən sonra qayıtdıq. Bu, çox gərgin keçmiş bir oyun oldu, xeyrimizə başa çatdı, biz xoşbəxtik. Ümumilikdə bu, layiqli qələbə idi”.