“Mançester Yunayted”in sabiq futbolçusu Qari Nevill “Arsenal”ın braziliyalı hücumçusu Qabriel Jezusun İngiltərə Premyer Liqasının 33-cü turunun “Aston Villa” ilə oyununda (0:2) çıxışı haqda tənqidi danışıb.

Sports.az ingilis mütəxəssisin bu barədə fikirlərini təqdim edir:

“Bir oyunçu kimi Qabriel Jezus xoşuma gəlir, sadəcə onu gücünə, təpkisinə və səyinə görə sevirəm, hücumçularda bunu bəyənirəm. Amma bu səviyyədə biz yəqin ki, Kay Havertsin niyə son beş-altı turda mərkəz hücumçusu kimi çıxış etdiyini başa düşdük - o, bir az daha dəqiqlik və inam verir.

Mən sadəcə hiss etdim ki, “Arsenal”ın birinci dövrədə çatışmayan cəhəti budur - dəqiqlik və inam - çünki onlar Jezusun səmərəsinə görə meydanın son üçüncü hissəsində mükəmməl deyildilər”.