“Çelsi”də yeni kapitan

“Çelsi”nin yeni kapitanı müəyyənləşib.

Sports.az xəbər verir ki, “zadəganlar” kapitanlıq sarğısını müdafiəçi Ris Ceymsə həvalə edib. Bu barədə klubun rəsmi saytı məlumat yayıb.

“Kapitan seçildiyim üçün çox xoşbəxtəm. Bilirəm ki, üzərimə böyük məsuliyyət düşür. Demək olar ki, bütün həyatım boyu “Çelsi”də olmuşam. 6 yaşımdan bəri bu rəngləri daşıyıram. Kapitan olduğun üçün ailəm mənimlə fəxr edir”, – klubun mətbuat xidməti Ceymsin sözlərini sitat gətirib.
Qeyd edək ki, Ris Ceyms “Çelsi”də ilk rəsmi matçını 2019/2020 mövsümündə İngiltərə Liqa Kubokunda “Qrimsbi” ilə matçda edib.