Futbol
Beşiktaşı sabiq futbolçusu Anderson Taliskaya təklif göndərib
12.08.2023 | 20:41
“Neftçi”nin UEFA Konfrans Liqasının III təsnifat mərhələsindəki rəqibi olan Türkiyə Beşiktaşı sabiq futbolçusu Anderson Taliskaya təklif göndərib.
Sports.az xəbər verir ki, İstanbul klubunun prezidenti Ahemt Nur Çebi braziliyalı yarımmüdafiəçi üçün “Əl-Nəsr”ə bonuslarla birlikdə 12 milyon avro təzminat ödəməyə hazır olduğunu bildirib.
Lakin oyunçu ilə bu ilin aprelində 3 illik yeni müqavilə bağlayan Səudiyyə Ərəbistanı klubu qarşı tərəfə hələlik heç bir cavab verməyib.
Taliska 2016-2018-ci illərdə “qara qartallar”ın formasını geyinib.
Qeyd edək ki, “Neftçi” və “Beşiktaş” arasında Bakıda keçirilmiş ilk oyunda qonaqlar 3:1 hesablı qələbə qazanıblar. Cavab matçı avqustun 17-də İstanbulda olacaq.
Oxşar xəbərlər
Son xəbərlər
