DÇ-nin ilk günündə beş güləşçimiz qüvvəsini sınadı
Albaniyanın paytaxtı Tiranada U-23 dünya çempionatı start götürüb.
Sports.az xəbər verir ki, bu gün sərbəst güləş üzrə Azərbaycan millisinin 5 üzvü mübarizə aparıb.
61 kq
Ceyhun Allahverdiyev türkiyəli Emre Kurala 4:1 hesabıyla qalib gəlsə də, 1/4 finalda qırğızıstanlı Tairbek Jumasbekə məğlub olub - 5:8.
74 kq
Cəbrayıl Qadjiyev 1/8 finalda hindistanlı Navin Navinə uduzub – 3:5.
86 kq
Arseni Djioyev debütdə ermənistanlı Muşeq Mkrtçyana heç bir şans tanımayıb – 10:0. Ancaq 1/4 finalda rusiyalı Arslan Baqayevlə bacarmayıb – 0:6.
92 kq
Abdulcəlil Şabanov startda Şimali Makedoniya təmsilçisi Recep Haydaridən güclü olub – 4:1. Həmyerlimiz 1/4 finalda moldovalı Yon Demyana məğlub olub – 2:12.
125 kq
Vaxit Qalayev 1/8 finalda kanadalı Karanvir Mahili mübarizədən kənarlaşdırıb - 4:0. Ancaq yarımfinal yolunda türkiyəli Adil Mısırcıya uduzub – 0:11.
Təmsilçilərimizin rəqibləri finala yüksəlsə, güləşçilərimiz sabah təsəlliverici görüşdə iştirak hüququ qazanacaq.
