"Zenit"in yetirməsi "Araz Naxçıvan"da
Premyer Liqanın debütantı "Araz Naxçıvan" qış fasiləsində ilk futbolçu keçidini reallaşdırıb.
Sports.az xəbər verir ki, Naxçıvan təmsilçisi "Sabah"dan İldar Alekperovu mövsümün sonunacan icarəyə götürüb.
"Zenit" futbol məktəbinin yetirməsi olan istedadlı futbolçu Rusiyanın U 18 və Azərbaycanın U 21 millisinin şərəfini qoruyub.
Milan Obradoviçin dövründə 2023-cü il gənclər arasında Avropa Çempionatının seçmə matçında Norveçdə bu ölkənin yığmasına 1:2 hesabı ilə uduzduğumuz oyunda təsəlli qolumuza imza atıb.
22 yaşlı yarımmüdafiəçi hazırda Azərbaycanın ən sürətli futbolçularındandı. Doğma mövqeyi sağ vinger olsa da, universiallığı ilə seçilir. Zaman-zaman sol vinger kimi də çıxış edib. "Sabah"ın baş məşqçisi Murad Musayev isə onu daha çox sağ vinder, bəzənsə sol və sağ cinah müdafiəçisi, hətta mərkəz hücumçusu kimi də oynadıb.
