“Barselona”nın yarımmüdafiəçisi Frenki de Yonq Kataloniya klubunda yüksək maaş alması, eləcə də zədəli topuğunu cərrahi əməliyyat etdirməkdən imtina etməsi ilə bağlı yayılmış xəbərləri təkzib edib.

Sports.az niderlandlı futbolçunun bu barədə məlumatını təqdim edir:

“Jurnalistlər mənim haqqımda çox şey deyiblər: cərrahi əməliyyat edilmək istəmədiyimi və mənə çoxlu pul ödənildiyini. 37 milyon avro məbləğə yaxın rəqəmlər vardı. Amma gerçəklik bundan çox, çox uzaqdır. Bütün kartlarımı açıqlamağa hazır deyiləm, amma bu rəqəmlər həqiqətdən şişirdilib. Çox pul qazandığımı, cərrahi əməliyyatdan imtina etdiyimi, məşq etmədiyimi və “məzuniyyətdə” olduğumu düşündüyü üçün əsəbiləşən insanları başa düşürəm, amma bunların heç biri doğru deyil”.