İspaniya yığmasının və “Mançester Siti”nin keçmiş futbolçusu David Silva 2010-cu ildə “Valensiya”dan “şəhərlilər”in düşərgəsinə keçidinin təfərrüatı barədə söhbət açıb.

Sports.az ispan keçmiş futbolçunun bu barədə xatirəsini təqdim edir:

“Roberto Mançini dekabrdan bəri hər həftə mənə zəng edirdi. O, mənə etimad göstərdi, mən isə bunu başa düşdüm. Onların səni istədiyi yerə getməlisən. “Valensiya”ya dedim ki, “Mançester Siti”nin təklifinə üstünlük versin. Və haqlı idim. Mən orada çox yaxşı 10 il keçirdim. Mənə, bu klubun indi harada olduğunu görmək xoşdur, çünki mən bu tərəqqinin bir hissəsi idim”.