“Çelsi”nin sabiq yarımmüdafiəçisi və baş məşqçisi Frenk Lempard Kristiano Ronaldo və Lionel Messini müqayisə edib.

Sports.az ingilis mütəxəssisin müvafiq təhlilini təqdim edir:

“Mən bu mübahisələri sevmirəm. Mən onların hər ikisinə qarşı oynamışam, daha çox “Mançester Yunayted”də Kristianoya qarşı oynamışam. Messi “Barselona”da oynayanda ona qarşı da çox oynamışam. Fərdi və istedad baxımından Messi bütün zamanların ən böyüyüdür. Bu, mənim fikrimdir. Ancaq Kristianonun özünü yaratma tərzi, qolları, oyuna təsiri, fədakarlığı, indi də davam edən hərisliyi… Hər ikisinə eyni dərəcədə hörmət edirəm. Məncə, birini digərindən üstün tutmaq ədalətsizlik olardı. Onların hər ikisinə, inanılmaz səviyyəli oyunçulara qarşı oynaya bildiyim üçün fəxr edirəm”.