“Real”ın 18 yaşlı braziliyalı mərkəz hücumçusu Endrik məğlubiyyətlər müqabilində tənqidlərə münasibətindən söhbət açıb.

Sports.az xatırladır ki, Endrik “Real”ın Çempionlar Liqasının 2-ci turunda “Lill”ə məğlub olduğu (0:1) səfər oyununda “qaymaqlılar”ın başlanğıc heyətində meydana çıxıb.

“Düzünü desəm, mən beləsini görməmişəm. Futbol budur – bu gün qol vura bilərsən və hamı sevinəcək, amma sabah uduzanda isə səni yerə, ayaqlar altına atacaqlar.

Bu, artıq mənim başıma gəlib – çoxdan, “Palmeyras”da çıxış edəndə. Mən buna məhəl qoymamağı öyrənmişəm. Kiçikicik bir düyməni basıram: “Bu, əhəmiyyət kəsb etmir”. Sadəcə, məşqçimin və komanda yoldaşlarımın tövsiyələrinə əməl edirəm. Əhəmiyyətli olanı da elə, budur. Qalan hər şey məni heç zərrəcə narahat etmir”.