“Gəncə” rəsmiləri seleksiya məqsədilə Daşkəsənə səfər ediblər

“Gəncə” voleybol klubunun idman direktoru İbrahim Qarayev və akademiyanın məşqçisi Nadejda Rudakovskaya seleksiya məqsədilə Daşkəsən rayonuna səfər ediblər.

Sports.az Gəncə təmsilçisinin mətbuat xidmətinə istinadən xəbər verir ki, rayonun orta təhsil müəssisələrində görüşlər keçirilib, voleybol ilə maraqlanan və potensiallı uşaqların qeydiyyatı aparılıb, məktəblilər məşq proseslərinə cəlb olunub və onlar arasında sağlam həyat tərzinin təbliği istiqamətində maarifləndirmə aparılıb.

"Gəncə"nin akademiyasının əsas məqsədi Azərbaycan Voleybol Federasiyasının “Volleyball Kids” layihəsinə dəstək olmaq və 8-10 yaşlı uşaqların voleybola cəlb edilməsinə töhfə verməkdir.