“Neftçi” ölkə kubokuna qələbə ilə başladı
Voleybol üzrə ölkə kubokunda kişi voleybolçular mübarizəyə başlayıblar.
Sports.az xəbər verir ki, bu gün iki oyun baş tutub.
A qrupunda yer alan “Gənclər” və “Neftçi” komandaları GİN-in Voleybol Mərkəzində üz-üzə gəliblər. Bu oyun “Neftçi”nin quru hesablı qələbəsi ilə yekunlaşıb.
FHN-in İdman zalında keçirilən qarşılaşma isə “Xilasedici” və “Murov Az Terminal” klubları arasında olub. “Xilasedici” hər 3 setdə rəqibindən güclü olub.
Növbəti qarşılaşmalar oktyabrın 29-da baş tutacaq. Həmin gün A qrupunda mübarizə aparan “Gənclər” klubu Sumqayıtda “Azərrey”lə, B qrupunda yer alan “Xilasedici” isə GİN-nin Voleybol Mərkəzində MOİK-lə üz-üzə gələcək.
26 oktyabr
A qrupu
“Gənclər” - “Neftçi” - 0:3 (16:25, 12:25, 10:25)
B qrupu
“Xilasedici” - “Murov Az Terminal” - 3:0 (25:17, 25:23, 25:21)
