“Real”ın prezidenti Florentino Peres “qaymaqlılar”ın italyan baş məşqçisi Karlo Ançelottinin, komandanın 19 yaşlı türk yarımmüdafiəçisi Arda Gülərə ​​və 18 yaşlı braziliyalı hücumçusu Endrikə verdiyi oyun müddətindən narazıdır.

Sports.az xəbər verir ki, Peres Ançelottinin Endrik və Gülərə qarşı münasibətini başa düşmür, belə ki, futbolçular hər dəfə meydana çıxanda yaxşı çıxış edir və həm də yığma komandaları üçün yaxşı oynayırlar.

Vurğulanır ki, Peres məşqçinin işlərinə müdaxilə etmək niyyətində deyil, amma prezident məsələnin məğzini anlamır.