Yüksək Liqada yeni mövsümün başlayacağı tarix açıqlandı
Voleybol üzrə həm kişilər, həm də qadınlar arasında Azərbaycan Yüksək Liqasının 2023/2024 mövsümünün başlayacağı tarix müəyyənləşib.
Sports.az xəbər verir ki, yarışa dekabrın 3-də start veriləcək.
Həm qadınların, həm də kişilərin Yüksək Liqasında 6 komanda mübarizə aparacaq. Reqlamentə əsasən liqalar 2 dövrədən ibarət olacaq (ev-səfər) və oyunlar dairəvi sistem üzrə keçiriləcək.
Bu dövrələrdən sonra ilk 4 pilləni tutacaq komandalar pley-off mərhələsinə yüksələcəklər.
Qadınlar: “Azərreyl", “Abşeron”, “Murov Az Terminal”, “Gəncə”, “Milli Aviasiya Akademiyası”, UNEC.
Kişilər: MOİK, “Murov Az Terminal”, “Azərreyl", “Xilasedici”, “Gənclər”, “Neftçi”.
Ölkə çempionatının 2024/2025 mövsümündə ilk qarşılaşmalar qadın komandalar arasında keçiriləcək. Dekabrın 3-də qadınların Yüksək Liqasında birinci turun oyunları baş tutacaq. Kişilərin mübarizəsində isə ilk turun oyunları 4-5 dekabr tarixlərində təşkil olunacaq.
Azərbaycan Yüksək Liqası
1-ci tur
Qadınlar
3 dekabr
14:00. “Gəncə” - “Abşeron”
Gəncə İdman sarayı
15:00. “Milli Aviasiya Akademiyası” - “Azərreyl”
GİN-nin Voleybol Mərkəzi
17:00. “Murov” - UNEC
Murov Az Terminal VK-nın idman zalı
Kişilər
4 dekabr
15:00. “Murov” - MOİK
Murov Az Terminal VK-nın idman zalı
17:00. “Neftçi” - “Azərreyl”
GİN-nin Voleybol Mərkəzi
5 dekabr
16:00. “Gənclər” - “Xilasedici”
Sumqayıt OİK
