Digər
Yüksək Liqanın 3-cü turuna start verilir
17.12.2024 | 12:15
Kişi voleybolçular arasında Azərbaycan Yüksək Liqasında bu gün 3-cü tura start veriləcək.
Sports.az xəbər verir ki, günün yeganə matçında "Neftçi" MOİK-lə üz-üzə gələcək.
Gənclər və İdman Nazirliyinin Voleybol Mərkəzində təşkil olunacaq qarşılaşma saat 15:00-da start götürəcək.
Dekabrın 18-də isə iki matç təşkil ediləcək. Saat 15:00-da Fövqəladə Hallar Nazirliyinin idman zalında “Xilasedici” "Azərreyl"i qəbul edəcək. İki saat sonra "Gənclər" və “Murov Az Terminal” münasibətlərə aydınlıq gətirəcəklər.
"Xilasedici" hazırda 6 xalla liderdir. Eyni xala malik olan “Murov Az Terminal” ikinci pillədə qərarlaşıb. Üçüncü sıradakı "Azərreyl"in 4, dördüncü yerdəki "Neftçi"nin 2 xalı var. Beşinci mövqedəki MOİK-in və sonuncu olan "Gənclər"in xalı yoxdur.
Oxşar xəbərlər
Son xəbərlər
