Futbol
“Nant” “Qarabağ”la oyundakı hadisələrə görə cəzalandı
15.11.2022 | 23:07
UEFA Fransanın “Nant” klubunu cəzalandırıb.
Sports.az xəbər verir ki, bu barədə qitə futbol qurumunun rəsmi saytı məlumat yayıb.
Buna Liqa 1 təmsilçisinin azarkeşlərinin Avropa Liqasının qrup mərhələsinin 5-ci turu çərçivəsində Azərbaycan çempionu “Qarabağ”la ev oyunundakı (2:1) hərəkətləri səbəb olub.
Klub “Bojuar” stadionunda ictimai keçid yolları bağlanmasına görə 12 min avro, atəşfəşanlığa görə isə 30 min avro cərimələnib. Üstəlik, UEFA İtaliya "Yuventus"una qarşı pley-off matçında tribunaların qismən bağlanmasına qərar verib.
Təhlükəsizlik tədbirləri lazımi səviyyədə olmadığı və azarkeşlər tam yoxlanılmadığı üçün də "Nant"a xəbərdarlıq edilib.
Oxşar xəbərlər
Son xəbərlər
