Futbol
Ozan Canın komandasından darmadağın
18.11.2022 | 23:56
Futbol üzrə Niderland Birinci Divizionunda 16-cı turun oyunları keçirilib.
Sports.az xəbər verir ki, Azərbaycan milli komandasının yarımmüdafiəçisi Ozan Can Kökçünün formasını geyindiyi “Eyndhoven” də növbəti matçına çıxıb.
Sözügedən kollektiv doğma meydanda “Telstar”la qarşılaşıb. Futbolçumuzun komandası bu oyunda darmadağınla qalib gəlib – 3:0.
Ozan bu görüşün iştirakçısı olmayıb. Cari mövsümdə 4 qol vurmuş 23 yaşlı futbolçu hazırda Azərbaycan millisinin düşərgəsindədir.
“Eyndhoven” 16 oyuna topladığı 29 xalla 20 kollektiv arasında 4-cü pillədə qərarlaşıb.
Oxşar xəbərlər
Son xəbərlər
